قرأت مقالا يتحسر على زمن الحمير ، واستبدالها بالتوك توك الخطير
والذي سيطر على عالم النقليات وأصبح بديلا قهريا عن الحمير واستخدامها

مما جعل أسعارها متدنية
ولا طلب عليها وأصبح الكل يحاول التخلص منها ..
خطرت ببالي بعض الكلمات كنشيد ساخر يعبر عن التوك توك والحمير :
===

حاودع الحمار وحأبدا من جديد
واشتريلي توك توك
زي عم سعيد
حأوصل العيال
و أفسح المدام

راجل.. زي الحديد

من غير تبن وشعير
ونهيق معيز وحمير
ده توكتكي يخليني
سريع جدا وأطير

يا عمنا السعيد
بقينا زي بعض
دي حكاية كبيرة خالص
زي فيلم الأرض


ده انا التوك توك بتاعي
رهيب جدا خطير
بقى رجلي ودراعي
مشاوير ورا مشاوير

معلش يا حماري
لكل شيء نهاية
فاتت سنين كتيرة
وأنت لازق معايا



حكاية بقت خسرانة
وصحتك تعبانة
ده التوك توك حيخليني
أبدأ من البداية

وحأطير بيه وأغني
وخصوصا يوم العيد
وحنعمل شغل جامد
أكتر من عم سعيد

يا توك توك السلامة
نورت دنيتي
ولحماري أنا حأغني
وتعلى غنوتي :


سالمة يا سلامة
والتوك توك جالنا بسلامة
سالمة يا سلامة
حنسيب حمار الندامة



وكل توك توك والبلد بخير
 

19-10-2010